Saturday, 02-03-2024
  • Situs resmi Bumi Damai Al Muhibbin Pondok Pesantren Bahrul 'Ulum Tambakberas Jombang || Informasi Pendaftaran ~~ DIBUKA PADA 01 Februari 2024

PEDULI TERHADAP FAKIR MISKIN DAN ANAK YATIM

Diterbitkan : - Kategori : Abah / Berita

Selasa, 13 Juni 2023, dilaksanakan rapat awal persiapan kegiatan Shodaqoh Sepuluh Suro yang rutin di laksanakan setiap bulan muharam (suro) bertempat di ndalem Abah KH. Moch. Djamaluddin Ahmad. Sebelum rapat di akhiri, Abah KH. Moh. Idris Djamaludin memberikan sambutan. Dalam sambutanya, Beliau dawuh sekaligus bercerita.

“Alhamdulillah wa Syukru lillah, niki sampon kapeng kaleh sak ba’dane abah kapundut deneng Allah Swt, bade ngelaksaaken maleh shodaqoh 10 suro. Kulo mboten bade maringi mauidhoh utowo amanah”.

“Kulo tak cerito, wau niku pak H. Sholih, mator pamitan bade haji, ati kulo terus mak dek ngoten (istilah untuk kaget dalam bahasa jawa), sak iling kulo biyen daftare bareng kaleh kulo ten salah stunggal bank simpang 3 mriko. Tapi, pak H. Sholih saget budal, kulo mboten saget budal. Milo ati kulo mak deg ngoten. Kulo niku, mujur ngalor – ngetan, ngadek – lungguh niku nopo jare bimbingan e abah kulo. Mulai abah tasek sugeng, mulai kulo tasek alit, arep nopo mawon kulo niku nyuwun bimbingan kaleh Abah. Termasuk mondok, nek pas wayehe liburan, kulo pamit mondok pasanan ngoteniku yowes sak ngutuse Abah, abah sanjang “mondok kono”, nggeh kulo budal mriko, sampek jodo, nggeh ngoten, kulo di jodohne Abah niku kulo merem. Sopo ae seng di duding abah, kulo pun mesti iyo. Pokok abah nggeh, kulo sami nggeh.”

“Nah terakhir, siyen sak derange Abah kapundut, wonten crios. Niki kulo mboten krungu dewe, seng cerito niki Pak Yahya Husnan, insya’Allah wonten kesempatan ngaji romadhon. Pak Yahya Nyeritaaken waktu giliran nunggu (waktu KH. Djamaluddin gerah, yang menunggu bergantian). Pas waktu niku seng giliran nunggu niku pak yahya. Dalam keadaan mboten sadar, Abah niku wiridan, wiridan laqodja wiridan syadiliiyah maos seng biasane damel wiridan. Ba’do niku kadose sare, tapi niku kok dawuh-dawuh maos dalil al-Qur’an, terus diantara dawuh niku, wonten dawuh ngeten ”seng wes tau haji, gak usah haji maneh, jupuk en duwek e, sodaqohno faqir miskin”.

“Awal-awal e kulo dereng mikir. Suwe-suwe kulo angen-angen, lawong Pak Yai Yahya mboten daftar, Pak Holiq yo gak daftar, Pak Hasyim yo gak daftar, Pak Saiful yo gak daftar, seng daftar iku aku. Berarti seng di khitobi aku. Terus kulo langsung ngurusi ten kemenag.”

“Akhire keranten wonten amanat yang mana meskipun terose Pak Yahya, Abah Djamal dalam keadaan tidak sadar. Tetep kulo sam’an wa thoatan. Akhire kulo sanjangi istri, “ikhlas buk yo”. Niki daftar e sampun 13 tahun lebih, estune tahun niki kulo berangkat. Tapi kolo wingi mumpung dereng wonten panggilan, sak derenge romadhon, kulo omongan kaleh istri.”

“Walupun dawuh niku iso di khilah, “iku kan Abah gak sadar, iku kan seng di dawuhi Pak Yai Yahya”. Tapi kulo nganggep amanah niku damel kulo pribadi. Niki damel gambarne betapa abah niku sangat memperhatikan- mementingkan faqir miskin. Nggeh, ngoteniku kulo nek kaleh Abah.”

“Poro Bapak, …!!, rumiyen Abah nate ngaji nyeritaaken (kisah) Abdullah bin mubarok (118 – 182 H). Waktu niku Abdullah bin Mubarok berangkat haji. Ten tengah dalan, begitu melawati tanah Kuffah (Irak), niku ketemu kalih wong wedok njabuti wulune bebek ten gene tempat pembuangan sampah. Terus di paranii kaleh Abdullah bin Mubarok,”

Abdullah bin Mubarok             : “Sampean Iku Lapo..?.

Wong Wedok                              : “Gak usah takok takok pak..!!”
Abdullah bin Mubarok             : “Iku asal e urep opo batang..?.

Wong Wedok                              : “Sampean iku gak usah kakean takok, aku iku duwe anak yatim akeh. Lek pengen tak    jawab tak jawab iki    batang, tapi sampean ote ngomong opo ?. Aku gak  duwe opo-                                                               opo.”

Akhire, wong wedok niki muleh, Abdullah bin Mubarok langsung ten pasar, numpak himar/keledai (kendaran Abdullah bin Mubarok), sangune kabeh di tukokno panganan, panganan di tumpakne himar.

Abdullah bin Mubarok terus takok uwong, “Awakmu ngerti wong wedok, ciri-ciri nr ngene-ngene, omah e endi.” Akhire diduduhi, sakmantune kepanggeh Abdullah bin Mubarok mator,

“Buk, kulo wau seng takok ten sampean pas njabuti wulu ne bebek, pon himar sak muatane niki sampean pek, niki sedoyo damel sampean”.

Akhire sedanten sangu ne Abdullah bin mubarok seng awale damel haji di parengne wong wedok seng gadahi ramutan anak yatim.

Lajeng Abdullah bin Mubarok mikir, “Nek aku muleh saiki, padahal ndisek pamite arep haji, lah dorong wayah e muleh kok wes muleh lakyo isin aku”. Akhire Abdullah bin Mubarok mendirikan kemah sambil ngenteni musim haji bubar.

Barang musim haji sampun bubar, Abdullah bin Mubarok melu muleh, begitu ten griyo kuwatah seng ziaroh haji njaluk dungo. Terus Abdullah bin Mubarok jawab “Awakmu iku lapo njaluk dungo aku, wa Allahi aku ora haji, wa Allahi aku ora haji”

Terus wonten tiang jawab,

“Tirose sinten, kulo thowaf nunut jenengan kok”

“Tirose sinten, pas kulo ten arofah mendetaken toyo damel jenengan tirose jenengan ngelak”

“Tirose sinten, kulo ten wingkinge jenengan pas jenengan barang jumroh”

Abdullah bin Mubarak pun menjawab, “Wes mboh mboh, aku ki gak haji kok podo ngarani haji”.

Dalune wonten hatif (suara tanpa rupa) : “Abdullah seng di omongne wong-wong maeng iku bener, dadi awakmu iku yo haji. Coro hajimu di rengkeng, awakmu iku ringking pertama, hajimu iku seng paling mabrur. Mergo rohmatmu, mergo sayangmu mergo welasmu nang bocah yatim. Awakmu rela ora haji , sangune haji kabeh mbok wehno. Akhire malaikat di utus karo Allah badali awakmu haji. Ono malaikat seng badali awakmu thowaf, ono seng badali awakmu wukuf dek arofah, ono malaikat seng badali awakmu balang jumroh. Dadi kabeh mau hajine gae badali awakmu, sehinggo haji mu seng paling mabrur.”

Setelah menceritakan kisah diatas, kemudian Abah Idris dawuh : Mugi-mugi mawon haji kulo di badali malaikat

Kemudian Abah Idris melanjutkan dawuh, “Ngoteniku poro bapak, acara yang kita galang mboten gemen-gemen, mulo kulo iklas kulo rudho, dengan petunjuk sangking abah, walaupun abah ngendikane dalam keadaan tidak sadar.”

“Mangkane wau pas pak H. Sholih ngomong ati kulo tratap, Mestine aku yo budal, tapi kulo tetep bungah. Megro kulo yakin milai kulo alit sampai abah dalam keadaan sedo pun, abah niku terus maringi tuntunan damel kulo”

“Poro bapak, kenek nopo kok manton sedo memberi tuntunan, sak badane Abah Djamal sedo niku, Abah tasek maringi amanat damel kulo. Maringi amanat ten kulo lewat orang lain. Niki sampon kulo tashih ten mbah yai Maskun nek amanat niku bener lan apik di lakoni. Amanat niku nggeh mboten adoh-adoh kaleh urusan bocah yatim.”

“Poro bapak, kulo tak cerito: kulo niku gadah omah ten cangkring, wetane pondok e Gus Saiful, jarak 2 rumah. Niku nggeh Abah engkang ngutus tumbas. Pokok kulo niku merem nek kaleh abah. Moro-moro Abah niku di puruki Pak Dawam di gawani sertifikat omah terus di aturne Abah.”

“Banjur kulo Di timbali Abah,”

“Idris…!”

“Dalem Bah”

“Nek ono duwek iki tukuen ! “

“Pinten bah regine?”

“Mboh takok o dewe.”

Pak Dawam kulo telfon, “Pinten pak rego tanah e?”, dijawab “1,3 M gus.”

“Akhire kulo cek, ternyata kulo wonten arto 1,3 M, nggih pun kulo tumbas omahe, dawuh e abah “Nek ono duwek, tukuen!”. Awal –awal kulo gethun Abah niku ngutus tumbas omah lo damel nopo. Omah niku sampek dino niki kulo mboten nate ten mriku sampek luweh 1 jam, nopo maleh sampek nginep. Lahwong kulo mriku namung ketika ndandani mawon.”

Terus wonten santri muhibbin seng biasane ngemong anak kulo, jenenge jamili, kulo timbali “Mil.. Panggonono omahku mil, mboh biyen abah seng ngutus tuku, aku yo gak ngerti lapo’o, pokok nek Abah seng ngutus Bismillah, ora tak rasional-rasionalan.”

Sampek 3 tahun berikutnya kemudian Abah Djamal sedo, lajeng jamili di puruki (temui) kaleh Abah: “Mil kondo’o Idris, amalku di terimo gusti Allah mergo ngeramut bocah yatim.

Kedua di parani maleh, Mil kondoo idris, amalku di terimo gusti allah mergo ngeramut bocah yatim” Larene tasik derenge kondo kulo, kuwatir kulo arani bujuk.

Terus sing Ketiga, “Mil kok dorong mbok kandakno” terus akhire mantun niku diceritakne kulo.

La pas ngaji ten mriki sak derenge muharom niko, kulo nyeritakne soal menyanyangi anak yatim. Ten mriku kulo angsal ilham. Oh… iki berarti maksud e abah, biyen pas abah sek sugeng kon nuku tanah tapi gak ngerti karep e, lah abah sak iki wes gk ono ndadak nguwehi alamat/isyarat lewat dawuh amalku di terimo gusti Allah mergo ngeramut bocah yatim, berarti aku dikongkon ngeramut bocah yatim”.

Terus kulo tangklet ten mbah maskun “nopo leres ta’wilane kados ngoten”, dijawab “Leres gus sampian dikon ngopeni bocah yatim”.

Lanjut cerita, suatu ketika si jamil niki dugi ten griyo kulo, pamit nek bade tumbas omah piyambak, keranten cedek e omah kulo wau niku wonten omah cilik seng di dol.

Langsung kulo kondo, “Awakmu lapo tuku omah, wong awakmu tak deleh kunu memang rencanaku nek enek bocah yatim kowe seng tak kon ngeramut”.

Langsung nangis larene. Kulo tangleti, “lapo kok nangis ..!?”,

Dijawab larene “Nggeh ngoten, kulo dipuruki Abah maleh, beliau matur. Mil kowe arep di kongkon idris ngopeni bocah yatim nang kene. Tapi kulo bade matur ngoten ten njenengan, khawatir e malah di arani pengen ngenggoni omah niku”…

Abah Idris pun menutup cerita diatas dengan dawuh “Niki seng kulo arani awit Abah tasik sugeng ngantos Abah sampon sedo niku tasik terus menerus nuntun”.

Milo kulo nyuwn pangestu, Insya’Allah bulan juli niki bade kulo bangun, kulo ngerantos pondok putri rampung, soale tukange kulo kengken mriko sedanten.

Insya’Allah mangke enggal-enggal kulo bangun ten wingkinge griyo niku. Nek wonten bocah yatim pingin sekolah pondok, sekolahe kulo sekolahken ten al-Anwar, mangke di openi ten omah kulo. Sinten mawon, niki kulo nyuwun pangestu, niki sedoyo bimbingan sangking Abah. Bimbingane abah niku mboten tebeh sangking welas ten bocah yatim, kaleh welas ten fuqoro’-masakin. Nggeh nopo seng kulo lampahi niki merupakan salah satu bentuk bimbingan saking beliau.

Poro bapak, ten kitab Sirojut Tholibin, wonten keterangan, : “Wong sholih niku, seng pejah namong awak e, tapi ruhaniyahe, ilmune , khususiyahe niku tasek. Milo nek wonten cerito ngonteniku kulo mboten gumun, memang sampon di terangke ten kitab.”

dirangkum oleh: Bpk. Hafidz Amrullah

0 Komentar

Beri Komentar

Balasan